D’Jugendhaus Schëtter ass, wéi de Numm et seet, säit iwwer 20 Joer en Treffpunkt fir Jonker am Alter tëscht 12 a 26 Joer. Déi Jonk hunn d’Méiglechkeet sech op dëser Plaz mat anere Jonken auserneen ze setzen, sech auszetauschen, zesummen ze diskutéieren an eppes zesummen ze erliewen. Mir huelen déi Jonk eescht, souwuel an den ënnerschiddleche Phase vun der Pubertéit wéi och an der schwiereger Phas vum Erwuesseginn, wou se mussen Entscheedungen iwwer d’Zukunft treffen.

Mir probéieren an eiser Aarbecht op all déi verschidde Bedürfnisser vun de Jonken anzegoe wéi Raum, Informatioun, Erliefnisser, Identitéit, Individualitéit a Kultur. Essentiell dobäi ass d’Bezéiungsaarbecht un där mir all Dag schaffen.

All dës Bedürfnisser baue mir an eise Projeten, Atelieren an Aktivitéiten an. Detailléiert Beschreiwungen a Rendezvouse vun deenen eenzelen Aktivitéite fënns du ënner „Wat leeft“. Fir Jonker ënner 12 Joer bidde mir och eng Unzuel vun Aktivitéiten un (s. Wat leeft/All Mount/BigSitster&BigBrother).

Weider Informatiounen dozou an zu eis fannt dir hei op eisem Site, op Facebook, op Instagram oder op onsem Snapchat.

Zum Ofschloss wëll ech der Schëtter Gemeng, dem Ministère de l‘Education, dem Service National de la Jeunesse an net ze vergiessen eiser Schëtter Jugendhaus a.s.b.l. op dëser Plaz en décke Merci soen dass si eis esou gutt ënnerstëtzen.

Dee gréisste Merci gehéiert awer deene Jonken déi d‘ Jugendhaus visitéieren, déi eis d‘ Méiglechkeet ginn si ze begleeden.